秋冬為不同類型皮膚BB滋潤的注意事項

開始進入秋冬, 天氣開始乾燥, 帶BB出外玩更加要注意皮膚滋潤, 因為BB皮膚結構尚未發育完善, 厚度得大人嘅三分之一, 流失水份嘅速度會比大人快三倍, 所以無論咩季節, BB肌膚都好脆弱, 皮膚乾燥更加會容易引起敏感

我認為BB日用品最好挑選平日方便易買嘅牌子, 用晒都可以即刻買到, 始終BB皮膚嬌嫩, 唔可以隨便試用產品, 市面上好多標榜比BB敏感皮膚用, 大牌子嘅潤膚用品我都試過好幾款, 包括 JOHNSON'S, PHYSIOGEL, BIOLANE, MUSTELA, QV, CETAPHIL, 暫時我一直同BB用開亦冇打算轉嘅只有PHYSIOGEL AI CREAM 一個, 我個小朋友皮膚冬天會比較敏感, 一般低敏潤膚用品又唔夠滋潤, PHYSIOGEL AI CREAM係我試過水份最高,保濕效果持久, 又唔會引發敏感嘅產品, 基本上每次介紹比其他媽媽幫BB搽之後都返黎話好好用, 點解唔一早同佢地講, 哈哈~

另外, BB咀唇如果乾, 除左要飲多D水之外, 可以薄薄搽一層花士令, 呢隻係專比BB嘅花士令, 我會用小瓶裝起小小拎出街做潤唇膏

除左潤膚產品外, 好多生活細節都要注意保護BB皮膚, 
1. 沖涼水溫不宜太熱, 愈熱嘅水, 就愈會拎走身體上嘅水份
2. 沖完涼或者抺過面抺過咀都要馬上搽返潤膚產品
3. 冬天開暖氣嘅同時, 記得放個加濕器喺側邊
4. 秋冬出外玩記得帶潤膚產品, 因為小朋友玩到污糟要洗面, 之後一定要搽返潤膚產品保濕

秋冬係出外郊遊活動嘅最好時間, 但亦係BB皮膚最脆弱嘅時候, 所以記緊一定要注意保暖同保護皮膚~

日本京阪神 - 親子購物攻略: BB篇 1 (西松屋)

西松屋係日本其中一間最著名嘅嬰兒用品連鎖店, 售賣嘅貨物價錢比較便宜, 加上日元貶值, 基本上全部野都平過香港, 不過西松屋大部分分店都唔係喺中心位置, 如果唔想搵黎搵去, 建議都係去RINKU OUTLET附近SEACLE嗰間西松屋

西松屋其實有一半嘅野都係中國製, 所以想買日本製嘅野就要留意產地先好掃啊~ BABY FOOD, 尿片, 紗巾都係非常抵嘅必買品

媽媽們去日本必掃尿片, 應該要一箱一箱咁寄返香港, MERRIES大碼尿片1包54條香港賣
$179, 上樓鋪都要$140左右, 喺日本嘅MERRIES大碼尿片1包雖然得44條, 但只係1199YEN(即係港幣$75左右), 有時咁啱減價就更平...

日本嘅BABY FOOD超多選擇, 西松屋有一整行貨架都係BABY FOOD, 香港買和光堂BABY FOOD 1包都要廿幾蚊, 呢度只係79~89YEN (即係港幣$5~$6), 其他仲有好多香港冇嘅BB零食, 都好鬼平AR!

日本製嘅紗巾點解特別多媽媽去日本掃? 唔單止係因為圖案多而靚, 日本製品質好印花一定冇無毒唔甩色, 而且質地比較軟滑之餘, 1 PACK 3~5條都只係299~399YEN (即係港幣$19~$25)左右

另外當然仲有好多衫褲襪, BB夾衣款式亦好多, 不過雖然價錢平, 幾十蚊都有交易, 但衫褲超過都係中國製, 感覺上又覺得好似冇咁抵, 所以買果陣記得睇下產地先入手啊~

如果約埋一班媽媽團去大阪, 淨係個西松屋都可以有排行呀!



西松屋: http://24028.jp/

BB準備要飛啦! - 選擇合適的旅行模式

有小朋友之前, 一年都會去3~4次旅行, 所以第一次帶Little R飛, 開頭以為無難度, 但其實準備嘅野非常多, 雖然Little R得兩歲, 我已經同佢飛左好多地方, 第一次飛嘅時候, Little R只有6個月大...

   
(最高難度) 經過多次同Little R去旅行, 發現一家三口自由行去係好開心好自由, 不過會比較辛苦, 每次我地都係DADDY負責所有行李 (最少都兩大喼加兩大HANDCARRY), 我負責BB, 湊仔袋同手推車, 到埗後就開始變身搬運工人, 確係攰到爆! 雖然辛苦, 但因為我已經有好多次呢個最高難度嘅經驗, 我仍然最鐘意一家三口去自由行

    
(中高難度) 試過同未婚情侶同行, 佢地都分擔左好多搬運工作, 但係我成日好驚會麻煩到人, 同埋因為要照顧Little R, 時間一定比單身去多, 又好驚會阻左人地去旅行玩同買野嘅時間, 都好開心, 係驚阻左朋友嘅時間, 不過呢個可能只係我自己多餘嘅憂慮..

   
 (中難度) 跟團會比較舒服, 所有野都有人安排, 又有車接送, 不過行程同團友都未必啱玩, 時間上跟團好多時行程都過早, 帶住BB一早太多野要準備, 行程又未必適合BB, BB哭鬧難免, 但可能咁會影響到團友

   
(低難度) 我認為可以最舒服咁帶BB去旅行而又唔需要驚阻到其他人嘅一定係跟親子團, 既舒 服, 行程一定適合小朋友, 又唔驚阻到人, 因為全團都係同樣有小朋友, 大家都會好明白, 小朋友可以一齊玩, 最啱第一次帶小朋友去旅行JOIN, 試下小朋友第一次飛嘅反應先, 起碼有咩突發野都有其他經驗媽媽幫下, 類似呢D 親子之旅 , 應該幾啱...

帶小朋友去旅行只要計畫得宜, 就一定係一個好開心嘅經歷

http://www.esctravel.com.hk/#!taichung/c1be9

BB準備要飛啦! - 選擇地點

 BB第一次飛, 最好先試短程嘅東南亞國家, 畢竟第一次搭飛機, 唔知道BB有咩反應, 加上喺飛機時間耐而地方局限, 即使成年人都覺得辛苦, 更何況BB呢...

穩陣起見, 建議衛生情況較好嘅地方, 例如台灣, 日本, 韓國...雖然一定會帶齊BB需要嘅食物,水, 裝備, 但唔排除有意外令帶去嘅野未能如常使用, 所以我建議去一個地方可以買到令媽媽安心比BB食/用嘅食物,水或用品嘅地方, 另外, 旅程不宜太長, 第一次去一個5日以內比較好, 試試BB適應能力

另外, 如果真係擔心, 可以近近地去澳門兩日一夜, 先試BB對喺陌生環境過夜會唔會有太大唔適應嘅情況

BB準備要飛啦! - 選擇日子

BB未開始返學, 唔需要考慮請假問題, 但都唔可以話飛就飛, 我會避免揀接近BB打針嘅日子去旅行, 打針前去怕去完旅行BB狀態未必係最好, BB狀態唔好打針後唔舒服嘅反應可能會加倍, 打針後都唔需要多講, 可能會發燒唔舒服, 打針後當然唔適合去旅行

另外, 帶一歲左右嘅小朋友去旅行, 如果會考N班嘅話, 就要注意心儀學校面試日期

其次考慮想去嘅地方當時嘅天氣, 如果第一次帶BB去旅行, 選擇當地嘅春夏秋天會比較好, 一來唔洗帶厚衫, 本身BB行裝已經夠多, 二來又唔洗擔心冷親

Introduction

2013年, 我嘅小愛人Little R 出世啦...

(呢張相嘅Little R真係好新鮮, 係出世一刻喺產房影GA)

對於一個殿堂級貪玩貪靚嘅媽媽黎講, 人生最大目標就要同小愛人每天都健康快樂,  

好多做媽媽都慨歎生左小朋友之後就無左自己 (包括生活及身型...>.<), 但我仍然可以過以前嘅生活之餘, 帶住小愛人過仲比以前更開心滿足! 我覺得一切都係控制喺自己手中, 例如去旅行, 只要安排妥當, 帶BB去旅行絕對可以係開心輕鬆嘅! 希望所有媽媽都可以做一個pretty playful mom!!